धरान/च्याम्पियन्स लिग अन्तर्गत समूह चरणको खेलमा रियल म्याड्रिडलाई गतिलो स्वाद चखाउँदै बोरुसिया डर्टमुन्ड समूह एफको विजेता बनेको छ । Borussia बुधबार राति सम्पन्न खेलमा बोरुसियाले साविक विजेता रियललाई २–२ गोलको बराबरीमा रोक्दै १४ अंकसहित समूहको विजेता बनेको हो । जसका लागि बोरुसियाका मार्को रियुले गोलको मद्दतले रियललाई बराबरीमा रोक्न सफल भएको हो । उपविजेता बनेको रियल १२ अंक छ । रियलबाट करिमा बेन्जिमाले व्यक्तिगत दुई गोल नै गरेका थिए । रियलले खेलको २८ औं मिनेटमा गोल गर्दै अग्रता कायम गरेको थियो । उक्त अग्रतालाई करिमले नै ५३ औं मिनेटमा व्यक्तिगत दोस्रो गोल गरेका थिए । तर, दुई गोलको स्थिति उल्टाउँदै बोरुसियाले ६० औं र ८८ औं मिनेटमा गोल गर्दै बराबरीमा ल्याउन सफल हुँदै समूह विजेता बनेको हो । ६० औं मिनेटमा अमाबियाङले गोल गर्दै दुरी कम गरेका थिए । पुनः ८८ औं मिनेटमा रियुसको गोलले रियललाई स्तब्ध पार्न सफल भएको हो ।