धरान/स्पेनिस ला लिगामा शीर्ष स्थानमा रहेको रियलले शनिबार रातिको खेलमा महत्वपूर्ण जीत निकाल्दै अंक तालिकामा शीर्ष स्थानमै रहन सफल भएको छ । real गएरातिकै खेलमा बार्सिलोनालेसमेत जित निकालेको छ । इन्जुरी समयमा सर्जियो रामोसले गरेको सुन्दर गोलले रियालले डिर्पोटिभो ला कोरुनामाथि ३–२ को महत्वपूर्ण जीत निकाल्न सफल भएको छ । डिप्रोटिभो डि ला कोरुनासँग २–१ ले पछि परेको स्थिति उल्टाउँदै रियलले जित निकालेको हो । रियलले ५० औं मिनेटमा अल्भारो मोराटाले गोलबाट खाता खोलेको थियो । डिप्रोटिभोबाट जोसेलुले ६३ र ६५ औं मिनेटमा गोल गरेपछि रियल दवावमा खेलेको थियो । ८४ औं मिनेटमा मारियानोले रियलका लागि बराबरी गोल फर्काए । रियल मड्रिडको १५ खेलबाट ३७ अंक बनाउँदै अग्रस्थानमा छ । दोस्रो स्थानको बार्सिलोनाको ३१ अंक छ । यस्तै शनिबार नै भएको खेलमा बार्सिलोनाले ओसासुनामाथि ३–० को जित निकाल्यो । बार्सिलोनाको जितमा लियोनेल मेस्सीले दुई तथा लुइस स्वारेजले एक गोल गरेका थिए ।