इटहरी/कलेजका विद्यार्थीहरुको अन्तरनिहीत प्रतिभालाई प्रस्फूटन गर्ने उद्देश्यले इटहरीस्थित नमुना कलेजले फ्रेसर अवार्ड शुक्रबार सम्पन्न गरेको छ ।
बिबिए र बिएस डब्लुका बिद्यार्थीहरुले बिच गरिएको फ्रेसर अवार्डमा विविए तर्फ करुणा पराजुली र निशान कार्की प्रथम बनेका छन् । त्यस्तै विएसडब्लूबाट सानु क्षेत्री र सम्राट थापाले फ्रेसर अवार्ड हात पारेका छन् । विजेताहरुलाई ताज एवं सम्मानपत्रसहित मेडल प्रदान गरिएको छ । कार्यक्रममा नमुना कलेजका अध्यक्ष केशव खडका, इटहरी उपमहानगरका कार्यकारी अधिकृत टीकादत्त राई, प्रमुख निर्णायक पाथिभरा एडभरटाइजिङ प्रालिका कार्यकारी प्रमुख एवं कलेज टाइम्स मासिकका प्रबन्ध निर्देशक पवन अधिकारीले पुरस्कार वितरण गरे । अवार्डमा ३० भन्दा बढी छात्रछात्राहरुले स्पर्धा गरेका थिए ।
अवार्डमा मिस पूर्वाञ्चल २०१६ की सेकेण्ड रनरअप इक्सा मादेन, मिस एसएलसी २०१४ मीस फोटोजेनिक प्रेसिका निरौला निर्णायक थिए । कलेजमा अध्ययनरत बिद्यार्थीहरुले बिभिन्न नृत्य एवम गितहरु प्रस्तुत गरेका थिए ।
