इलाम/इलाममा बार्षिक रुपमा आयोजना हुदैँ आएको अन्तराष्ट्रिय माइभ्याली फुटबल प्रतियोगिता आगामि चैत्र १६ गतेदेखि २६ गतेसम्म हुने भएको छ । खेलमैदानको स्तरउन्नती गरि नसकेकाले खेल सुरु हुन दुई महिना ढिला भएको आयोजक माइभ्याली फुटबल क्लबले जनाएको हो ।
माइभ्इाली फुटबल क्लब र जिल्ला फुटबल संघको सयुंक्त आयोजनामा हुने प्रतियोगितामा नेपाल र भारतका गरि १० टिमको सहभागिता हुने छ । प्रतियोगितामा बिजेता टिमलाई नगद रु चार लाख र उपबिजेता टिमलाई नगद रु दुई लाख ५० हजारसहित ट्रफि,मेडल र प्रमाणपत्र दिइने जिल्ला फुटबल संघका अध्यक्ष निरोज खड्गीले जानकारी दिए ।
