धरान/चौथो युनाइटेड गोर्खा एकेडेमी भलिबल रनिङ कप अन्तर्गत बिहीबार छात्रको खेलबाट लिटल फ्लावर्स, युजिए बि, प्रहरी स्कुल, तरहरा मोडल र समिट विजयी बनेका छन् ।
एकेडेमीको कोर्टमा जारी खेलमा लिटल फ्लावर्सले धरान मोडललाई २५–७, २५–९ को सोझो सेटमा हराएको छ । त्यस्तै डिपो उच्चमाविले वाकओभर दिएपछि युजिए वि विजयी बनेको छ । पुलिसले हाम्रो स्कुललाई २५–२० र २५–२१ को सोझो सेटमा हराएको छ । वालविकासलाई लिटलले २५–१९, २६–२४ को सोझो सेटले हराएको छ ।
त्यस्तै तरहरा मोडलले कारमेललाई २५–२२, २५–१७ को सेटले हराएको छ । साथै समिटले धरान मोडललाई २५–२०, २५–१३ को सेटले हराएको छ ।
त्यस्तै छात्रा तर्फको खेलमा लिटल फ्लावर्स, वालविकास र तरहरा मोडल विजयी बनेका छन् । डिपो उच्चमाविले वाक ओभर दिएपछि लिटल फ्लावर्स विजयी बनेको थियो । बालविकासले स्टयान्डर्ड पकलीलाई २५–१९, र २५–१२ को सोझो सेटले हराएको छ । त्यस्तै तरहरा मोडलले समिटलाई २५–१४, २५–११ को सेटले हराएको छ ।
भोली छात्र तर्फ ५ वटा खेल हुने छन् भने छात्रा तर्फ ३ वटा खेलहरु हुने एकेडेमीका प्रिन्सिपल पेम्बा शेर्पाले जानकारी दिए ।
