इटहरी / इटहरीमा जारी दोस्रो इटहरी स्कुल स्तरीय क्रिकेट प्रतियोगिता अन्तरगत आइतबारको खेलमा सेक्रेटहार्ट स्कुल र ग्रीनपीस एकेडेमी विजयी भएका भएका छन् । यी दुवै टिम क्वाटर फाइलनमा प्रवेश गरेका छन् ।
पहिलो खेलमा सेक्रेटहार्ट स्कुलले कस्तुरी कलेजलाई ६ विकेटले पराजित गरेको आयोजकले जनाकएको छ । १५ ओभरको खेलका कस्तुरीले ५ विकेट गुमाएर १०९ रनको लक्ष्य दिएको थियो । फैजल अन्सारीले ४९ र मौसम बस्नेतले १८ रन योगदान दिएका थिए । जवाफफी मैदानमा उत्रिएको सक्रेटहार्टले १४ ओभरमा ४ विकेट गुमाउँदै लक्ष्य पुरा गरेको थियो । खेलमा म्यान अफ द म्याच अभिषेक झा भए ।
यसै गरी दोस्रो खेलमा ग्रीनपीस एकेडेमीले पाथिभरा स्कुललाई ९ विकेटले पराजित गरेको छ । टस जितेर पहिलो व्याटिक गरेको पाथिभरा ९ ओभरमा ४४ रनमा समेटिएको थियो । जवाफी व्याटिङमा ग्रीनपिसले ८ ओभरमा एक विकेट गुमाउँदै विजय लक्ष्य पुरा गरेको आयोजकले जनाएको छ । ग्रीनपिसका लागि गुड्ठू झाले २२ रन बनाएका थिए । खेलको म्यान अफ द म्याच ग्रीनपिसका नितेश ठाकुर भए । प्रतियोगिता अन्रतगत सोमबारको पहिलो खेल कोशी सेन्ट जेम्स र डिभिएम ग्लोबल तथा दोस्रो खेल लिटल फ्लावर स्कुल र ग्रिनपिस एकेडेमी बीच हुने आयोजकले जनाएको छ । प्रतियोगिता इटहरीस्थित डिभिएम स्कुलको खेल मैदानमा भइरहेको छ ।
