दक्षिण भारतीय (साउथ इण्डियन) सिने उद्योगले तिब्र गतिमा प्रगति हासिल गरिरहेको छ । त्यहाँ बर्षेनी वर्षेनी ठूलो संख्यामा तामिल, तेलगु, कन्नडा र मलायालम भाषाका फिल्महरु निर्माण हुने गरेका छन् । बाहुबली र रोबोट जस्ता उत्कृष्ट र धेरै व्यापार गरेका फिल्महरु बनिसकेको यो सिने उद्योगमा कलाकारहरुले पाउने पारिश्रमिक पनि निकै उत्कृष्ट छ ।
यसले दक्षिण भारतीय कलाकारहरुलाई भारतकै धनि बनाएको छ । यी हुन सबैभन्दा बढी पारिश्रमिक लिने १० साउथ इण्डियन नायकहरु स्
१०. बिक्रम दक्षिण भारतका एक धनी कलाकार मध्ये एक तामिल सुपरस्टार बिक्रम पनि एक हुन् । उनले एउटा फिल्ममा अभिनय गरे वापत १२ करोड भारु (१९ करोड २० लाख रुपैयाँ) पारिश्रमिक लिने गरेका छन् ।
९. जुनियर एनटिआर अर्का धनी र धेरै कमाउने दक्षिण भारतीय फिल्म स्टार हुन जुनियर एनटिआर । उनको कमाई पनि प्रति फिल्म १२ करोड भारु (१९ करोड २० लाख रुपैयाँ) नै रहेको छ ।
८. रामचरण तेजा दक्षिण भारतका लोकप्रिय नायक चिरञ्जिवीका सुपुत्र तथा तेलगु सिनेमाका स्टार रामचरणले पनि प्रति फिल्म १२ करोड भारु (१९ करोड २० लाख रुपैयाँ) पारिश्रमिक लिने गरेका छन् ।
७. अजित प्रति फिल्म १६ करोड भारु (२५ करोड ६० लाख रुपैयाँ) पारिश्रमिक लिने तामिल सुपरस्टार अजितले धेरै हिट फिल्महरुमा अभिनय गरेका छन् ।
६. सूर्या दक्षिण भारतका अर्का धनि नायकमा भर्सटाइल तामिल स्टार सुर्या पर्छन् । उनले प्रति फिल्म १७ करोड भारु (२७ करोड २० लाख रुपैयाँ) पारिश्रमिक लिने गरेका छन् ।
५. पवनकल्याण अर्का धनी दक्षिण भारतीय कलाकारमा तेलगु सिनेमाका लोकप्रिय नायक पवनकल्याण पर्छन । नायक चिरन्जिवीका भाई पवनकल्याणले प्रति फिल्म १८ करोड भारु (२८ करोड ८० लाख रुपैयाँ) लिने गरेका छन् ।
४. महेश बाबु अर्का धनी दक्षिण भारतिय नायकमा तेलगु सुपरस्टार नायक महेश बाबु हुन् । उनले पनि प्रति फिल्म १८ करोड भारु (२८ करोड ८० लाख रुपैयाँ) लिने गरेका छन् ।
३. विजय तामिल नायक तथा पाश्र्व गायक विजय पनि धनि दक्षिण भारतीय कलाकारमा गनिन्छन् । उनले प्रति फिल्म २५ करोड भारु (४० करोड रुपैयाँ) लिने गरेका छन् ।
२. कमल हसन प्रसिद्ध नायक कमल हसन धनी दक्षिण भारतीय नायकको सूचिमा अगाडी नै पर्छन । उनले प्रति फिल्म २५ देखी ३० करोड भारु (४० देखि ४८ करोड रुपैयाँ) लिने गरेका छन् । उनी तामिल र हिन्दी फिल्ममा अभिनय गर्छन र उनले चार राष्ट्रिय अवार्ड सहित १९ फिल्मफेयर अर्वाड समेत पाएका छन् ।
१. रजनीकान्त रजनीकान्त भर्सस्टाइल अभिनय र पावरप्याक एक्सनको जादुले संसारभरि नै सम्मान गरिने भारतीय अभिनेतामा पर्छन । उनले प्रति फिल्म ५० देखी ६० करोड भारु (८० देखि ९६ करोड रुपैयाँ ) सम्म पारिश्रमिक लिने गरेका छन् । यी बाहेक अन्य धनि दक्षिण भारतीय नायकहरुमा अल्लु अर्जुन, रवि तेजा, धनुष प्रभास आदि पर्छन ।
