पाथीभरा भलिबलमा आर्मी र पुलिसको विजयी सुरुआत

ताप्लेजुङ/ताप्लेजुङमा हिजोबाट सुरु भएको पाथिभरा भलिवल प्रतियोगितामा आज पनि दुई खेल हुने भएको छ । सदरमुकाम स्थित नेपाली सेनाको खेल मैदानमा हुने खेलमा पुलिस र सशस्त्र प्रहरी तथा दोस्रो खेलमा पूर्वाञ्चल र मध्यमाञ्चलबीच प्रतिस्पर्धा हुनेछ । यसैविच मंगलबार भएको खेलमा त्रिभुवन आर्मी क्लब र नेपाल पुलिस क्लबले विजयी सुरुआत गरेका छन् । जिल्ला भलिबल संघ ताप्लेजुङको आयोजनामा मंगलबारदेखि फुङ्लिङमा सुरु भएकोे उद्घाटन खेलमा आर्मी क्लबले २५–१०, २५–१७ र २५–१० को सोझो सेटमा मध्यमाञ्चल भलिबल टिमलाई पराजित गरेको हो । हिजै भएको दोस्रो खेलमा पुलिस क्लबले पूर्वाञ्चल भलिबल टिमलाई २५–१८, २५–१३ र २५–१४ को सोझो सेटमा हराएको थियो । खेलमा आर्मी र पुलिसले समान ३–३ अङ्क जोडेका छन् । ‘राउन्ड रोबिन’को आधारमा खेलाइने प्रतियोगितामा आर्मी, पुलिस र सशस्त्र प्रहरीका साथै दुई क्षेत्रीय टोली मध्यमाञ्चल र पूर्वाञ्चलको सहभागिता रहेको छ । प्रतियोगिताको विजेता टिमले ३ लाख ३० हजार रुपैयाँ पुरस्कार पाउने छ ।