ताप्लेजुङमा सम्पन्न दोस्रो राष्ट्रिय पाथीभरा भलिबल प्रतियोगिताको उपाधि नेपाल पूलिस क्लवको पोल्टामा परेको छ । राउण्ड रोविनको आधारमा खेलाइएको प्रतियोगितामा नेपाल पूलिसले ११ अंकका साथ उपाधि चुमेको हो । त्यस्तै १० अंक सहित त्रिभुवन आर्मि क्लवले उपविजेतामा चित्त बुझाएको छ ।
आज भएको निकै प्रतिस्पर्धात्मक अन्तिम खेलमा १९–२५, १५–२५, २५–२०, २५–२२ र १५–११ बनाउँदै ३–२ को सेटमा त्रिभुवन आर्मिलाइ नेपाल पूलिसले पराजित गरेको हो । यस्तै सशस्त्र प्रहरिको एपिएफले ६ अंक जोड्दै तृतिया भएको छ भने पूर्वाञ्चलले २ अंकका साथ सान्तवनामा चित्त बुझाएको छ ।
आजै भएको खेलमा सशस्त्र प्रहरीले २५–१३, २५–१८ र २५–८ को सोझो सेटमा पछि पार्दै तेस्रो स्थान पक्का बनाएको हो । प्रतियोगिताका विजेतालाई रु तीन लाख ३० हजार, उपविजेता लाई १ लाख ६५ हजार र तेस्रो र चौथो हुने टिमलाई नगद ३५÷३५ हजार पुरस्कार प्रदान गरेको आयोजक जिल्ला भलिवल संघ ताप्लेजुङले जनाएको छ ।
