अर्को बर्षको जेष्ठ २६ गतेबाट हलमा लाग्ने तयारीमा रहेका नायक दयाहाङ राई र नायिका प्रियंका कार्की स्टारर चलचित्र ‘लाल्टिन’ को आइटम गीत रिलिज भएको छ । गीतमा नायिका प्रियंका कार्की एक बारमा डान्स गरिरहेकी छिन् भने उनको नृत्यमा नायक दयाहाङ राई र नव-नायक निर्जन थापा झुमिरहेका छन् ।
आस्था राउतको स्वर रहेको ‘म त चमेली’ बोलको गीतमा किरण माइकलको शब्द र संगीत रहेको छ । गीतमा प्रियंका निकै बोल्ड देखिएकी छिन् । यो चलचित्रलाई देव कुमार श्रेष्ठले निर्देशन गरेका हुन् । भानु प्रताप प्रस्तुतकर्ता रहेको यो चलचित्रलाई अनिम श्रेष्ठ र राज केसीले निर्माण गरेका हुन् भने मनोज राजभण्डारी र दीपक श्रेष्ठ यसका सह-निर्माता हुन् । चलचित्रमा हरि लामाको छायांकन, अर्जुन जीसी र वनिश शाहको सम्पादन, भानु प्रताप र किरण माइकलको लेखन छ । रोशन श्रेष्ठको एक्सन रहेको चलचित्रमा कविराज गहतराज, दिकेश र भानुप्रतापले कोरियोग्राफी गरेका छन् ।
चलचित्रमा दयाहाङ र प्रियंकाको अलवा केकी अधिकारी, अर्जुन गुरुङ, रीया श्रेष्ठ, रामकेशर बोगटी, मेलिना मानन्धर लगायतका कलाकारको अभिनय छ । चलचित्रमा राज कटुवाल र निर्जन थापा नयाँ प्रस्तुतीको रुपमा देखिदैछन् । १ करोड माथिको बजेटमा तयार भएको भनेर दाबी गरिएको यो चलचित्रले एक्सन, कमेडी, रोमान्स, सामाजिक र क्राइमको बिषयलाई उठान गरेको छ ।
भिडियाे हेर्नुहाेस् ।
