युट्युवमा एक -एक गन्ती हुने भएका कारण अहिले नेपाली चलचित्र कत्तिको हिट छ त्यो युट्युवमा हेरे मात्र पनि पुग्छ । हलमा रिलिज भएको बखत ‘मेरो चलचित्र हिट भयो’ भन्दै हिँड्ने निर्देशकदेखी निर्माताहरु अहिले युट्युवको कति नम्बर ट्रेन्डिङमा आफ्नो चलचित्र छ भन्दै खोज्ने गरेका छन् किनकी युट्युवमा आफ्नो चलचित्र हिट वा फल्प सजिलै थाहा पाउन सकिन्छ । र, यसबाट नै अनुमान लगाउन सकिन्छ उक्त चलचित्र हलमा हिट थियो वा फल्प ।
यसैबीच ३ दिन अगाडी युट्युवमा रिलिज भएको यस बर्षको हिट चलचित्र मध्येको एक ‘वीर विक्रम’ ले अहिले तहल्का मच्चाइरहेको छ । युट्युवमा रिलिज भएको ३ दिनमा नै यो चलचित्रले झण्डै १० लाखको आसपासमा भ्यूओर्स पाइसकेको छ । यति मात्र होइन अहिले यो चलचित्र युट्युवको नेपालमा २ नम्बर ट्रेन्डिङमा छ ।
यसले के भन्छ भने वीर विक्रम हलमा मात्र होइन युटुबमा पनि हिट भएको छ । युट्युवमा ‘वीर विक्रम’ हेरेपछि कमेन्ट बक्समा प्राय अधिकांशले राम्रो चलचित्र भन्दै तारिफ गरेका छन् । यसबाट निर्देशक एवं निर्माता मिलन चाम्स निकै खुशी देखिएका छन् । यो चलचित्रमा दयाहाङ राई, अनुप विक्रम शाही, अर्पण थापा, नाजिर हुसेन र दीया पुनको मुख्य भूमिका छ ।
