धरान/नेकपा एमाले धरान १३ नम्बर वडा कमिटीले वार्षिक समिक्षात्मक भेला सम्पन्न गरेको छ । एमाले सुनसरी जिल्ला कमिटी उपाध्यक्ष रमेशकुमार बस्नेतको प्रमुख उपस्थितिमा भएको कार्यक्रममा पार्टीमा योगदान पु¥याउने तीनजनालाई प्रशंसा पत्र प्रदान गरिएको छ । सम्मानित हुनेमा उत्तमकुमार श्रेष्ठ, चन्द्रबहादुर कट्वाल र कृष्णबहादुर तामाङ रहेका छन् । त्यस्तै शिवमान श्रेष्ठलाई कदर पत्र प्रदान गरिएको छ । ज्येष्ठ नागरिक महिला तर्फ रुकमनी अधिकारी र पुरुषमा चक्रप्रसाद घिमिरेलाई सम्मानित गरिएको छ । उक्त अवसरमा पार्टीको भित्ते पत्रिकासमेत विमोचन गरिएको थियो । यसै अवसरमा एमाले पार्टीमा २६ जना पार्टीमा प्रवेश गरेको पार्टी वडा सचिव विष्णु चौलागाईले बताए । कार्यक्रममा एमाले जिल्ला कमिटी सचिवालय सदस्य प्रदीप भन्डारी, एमाले जिल्ला कमिटी सचिवालय सदस्य जयकुमार राईलगायतका अतिथिहरु उपस्थित थिए ।