विजयपुर / पर्ल किण्डर गार्डेन इङ्लिस स्कुल धरान–१५ ले मङ्गलबार आप्mनो १० औं स्थापना दिवस तथा छैठौं ग्राजुएसन–डे मनाएको छ ।
धरान–१५ को सदन सभाहलमा आयोजित कार्यक्रममा स्कुलका ग्राजुएट विद्यार्थीलाई कार्यक्रमका प्रमुख अतिथि तथा ब्लाष्ट टाइम्स राष्ट्रिय दैनिकका प्रधानसम्पादक राजकुमार कार्कीले दीक्षित गरेका थिए ।
समारोहमा बोल्दै प्रधानसम्पादक कार्कीले देशको भविष्य अहिलेका विद्यार्थीहरुको शिक्षा र व्यवहारमा भर पर्ने बताए । कार्यक्रममा स्कुलका विद्यार्थीहरुले साँस्कृतिक कार्यक्रम पनि प्रस्तुत गरेका थिए । स्कुलले आप्mना शिक्षिका तथा कर्मचारीहरुलाई पनि सम्मानित गरेको थियो । कार्यक्रममा अभिभावकहरुको उल्लेख्य उपस्थिति थियो । स्कुलका प्रिन्सिपल सुदीप पाख्रिनको अध्यक्षतामा कार्यक्रम भएको थियो ।
