धरान/धरान–५ देवीगाउमा जारी दोस्रो मुना कप फुटबल प्रतियोगितामा फ्यान्स क्लव धरान उपाधि नजिक पुगेको छ । पत्रङबारीको खेल मैदानमा भएको बुधबारको खेलमा धरान फ्यान्स क्लवले युथ स्पोटिङ क्लवलाई ७–३ भारी गोल अन्तरले पराजित गर्दै फाइनलमा पुगेको हो । फ्यान्सले बिहीबार हुने दोस्रो सेमिफाइनलमका प्रतिस्पर्धी जोगिन क्लव र विष्णु स्पोटिङ क्लवको विजेता बीच हुने छ । फ्यान्सको तर्फबाट रोमन लिम्बूले ह्याट्रिक गर्दा दोर्जे तामाङ र सुदीप साहीले २–२ गोल गरेका छन् । यता युथ स्पोटिङबाट तीर्थ बस्नेतले २ गोल र खेम लिम्बूले एक गोल गरे पनि हारलाई टार्न सकेनन् । मुना क्लवको आयोजनामा भइरहेको खेलमा ८ वटा टिमहरु सहभागी थिए । प्रतियोगिता विजेताले १५ हजार र १० हजार रुपैया प्राप्त गर्ने प्रचारप्रसार संयोजक सन्दीप राईले बताए । फाइनल बैसाख २ गते हुने छ ।