भाटभटेनीमा बढी मूल्य राखेर भारतीय अचार बिक्री गरेको खुलासा

धरान/म्याद गुज्रिएको चाउचाउ फेला परेको पाइएपछि इलाका प्रशासन कार्यालय धरानको टोलीले शनिबार भाटभटेनी सुपरमार्केटको अनुगमन गरेको छ । [caption id="attachment_41780" align="alignnone" width="1339"] तस्बिरः सन्ताेष काफ्ले[/caption] अनुगमनका क्रममा भारतीय कम्पनीको एक अचार बढी मूल्य राखेर बिक्री गरेको भेटिएपछि कारबाहीको लागि जिल्ला प्रशासनमा पठाएको छ । अनुगमन अधिकृतको रुपमा रहेका इलाका प्रशासन कार्यालयका शाखा अधिकृत जयराम श्रेष्ठले ९७ थान अचार बरामद गरी जिल्ला प्रशासनमा काबारहीको लागि पठाइएको बताए । उनले किन बढी मूल्य राखेर बिक्री गरिएको हो भन्ने स्पष्टिकरण भाटभटेनीलाई सोधिने र उचित उत्तर नआएमा कालाबजारी ऐन अन्तर्गत कारबाही हुने छ । भारतीय ४० रुपैया मूल्यको अचारको मूल्य ७५ रुपैया राखेर बिक्री गरेको भेटिएपछि बरामद् गरिएको हो ।