एजेन्सी/ अर्जेन्टिनाका २९ वर्षिय सुपरस्टार लियोनल मेस्सीले आफ्नो बाल्यकालदेखिकी साथी एन्टोनिला रोक्कुजोसँग जुन ३० मा विवाह गर्दैछन् ।
स्पेनबाट प्रकाशित हुने एक पत्रिकाका अनुसार उनले आफ्ना सबै खेलाडी साथीहरुलाई बोलाए पनि बार्सिलोनाका पुर्व प्रशिक्षक लुइज एनरिके जसले यसै सिजन बार्सिलोना छोडेका थिए उनलाई भने बोलाएका छैनन् ।
केही महिना अघि आएको मिडिया रिपोर्ट अनुसार एनरिके र मेस्सीबीच विवाद भएको थियो ।
प्रत्येक हप्ता ६ लाख पाउण्ड कमाउने मेस्सीले आफ्ना २१ जना मिल्ने साथीहरुलाई अर्जेन्टिनाको रोसारियोमा हुन गइरहेको वैवाहिक कार्यक्रममा बोलाएका छन् ।
क्लब स्टाफ, फिजिरोथेरापीष्ट, मेडिक्स तथा फस्ट टिममा डाक्टरहरुलाई समेत निम्तो दिएका छन् ।
मेस्सी र एन्टोनियाका दुई सन्तान रहेका छन् । विवाहका लागि भने उनीहरुले बल्ल समय निकालेका हुन् ।
