चक्रघट्टि । बराह नगरपालिकामा एभरेष्ट फुटबल क्लवको आयोजनामा भरौलको एभरेष्ट फुटबल क्लबको खेल मैदानमा “प्रथम मेयर कप ”२०७४ को बेलबारी फुटबल क्लव मोरङ र ब्वाइज फुटबल क्लव इटहरी विच भएको प्रतिस्पर्धात्मक खेलमा बेलबारी फुटबल क्लव मोरङ विजयी भएको छ ।
० का बिरुद्ध १ गोल गरी बेलबारी फुटबल क्लव विजयी भएको हो । ६० मिनेटको खेलमा दुवै तर्फबाट गोल हुन नसकेपछि खेलको अतिरिक्त समयको ६२ औ मिनेटमा बेलबारी फुटबल क्लवका जर्सी नं १४ का कर्ण लिम्बुले १ गोल गरेर विजयी बन्न सफल भएका थिए ।
उक्त खेलमा म्यान अफ द म्याच बेलबारी फुटबल क्लवका जर्सी नं १४ का कर्ण लिम्बुलाई २ हजार ५ सय र ट्रफी प्रदान गरीएको छ । बराह नगरपालिकाको प्रथम मेयर कपको प्रथम पुरस्कार १ लाख १ हजार र दोसो्र पुरस्कार ५१ हजार रहेको मेयर कपका अध्यक्ष मधुसुदन भट्टराईले जानकारी दिएका छन् ।
सोमबार हुने खेलमा पुर्व क्षेत्रीय तालिम केन्द्र रानी बिराटनगर र राजाबास फुटबल क्लव राजावास विच प्रतिस्पर्धात्मक खेल हुनेछ । म्यान अफ दि म्याच खेलको प्रत्येक दिनमा २ हजार ५ सय र फाइनलमा ३ हजार प्रदान गरीने साथै हाइस्कोर ल्याउनेलाई ७ हजार ,बेस्ट किपर ५ हजार ,प्लेयर अफ द टुरामेन्ट १० हजार प्रदान गरिने आयोजक कमिटीले जानकारी दिएको छ ।
