चक्रघट्टि । बराह नगरपालिकाको भरौलमा आइतबार देखि जारी “प्रथम मेयर कप ”२०७४ को तसा्रे दिन बक्लौरी फुटबल क्लव बक्लौरी र बराहक्षेत्र फुटबल क्लव बराह विच प्रतिस्पर्धात्मक भएको खेलमा बराहक्षेत्र फुटबल क्लव बराह विजयी भएको छ ।
एभरेष्ट फुटबल क्लवको खेल मैदानमा भएको खेलमा शुन्य बिरुद्ध १ गोल गरी बराहक्षेत्र फुटबल क्लव बराह विजयी भएको छ । ६० मिनेटको खेलमा खेलको १९ औ मिनेटमा बराहक्षेत्र फुटबल क्ललवका जर्सी नं १६ का सुर्वण लिम्बुले १ गोल गरी बराहक्षेत्र फुटबल क्लव बराह सेमिफाइनलमा प्रबेश गरेको छ ।
खेलमा म्यान अफ दी म्याच बक्लौरी फुटबल क्लव बक्लौरीका जर्सी नं ७ का वुद्धिमान राई २ हजार ५ सय र ट्रफी प्रदान गरीएको छ । बराह नगरपालिकाको प्रथम मेयर कपको प्रथम पुरस्कार १ लाख १ हजार र दोसो्र पुरस्कार ५१ हजार रहेको मेयर कपका अध्यक्ष मधुसुदन भट्टराईले जानकारी दिएका छन् ।
बुधबार हुने खेलमा एभरेष्ट फुटबल क्लव आयोजक र बसाहा फुटबल क्लव उदयपुर विच प्रतिस्पर्धा हुने भएको छ । म्यान अफ दि म्याच खेलको प्रत्येक दिनमा २ हजार ५ सय र फाइनलमा ३ हजार प्रदान गरीने साथै हाइस्कोर ल्याउनेलाई ७ हजार ,बेस्ट किपर ५ हजार ,प्लेयर अफ द टुरामेन्ट १० हजार प्रदान गरीने आयोजक कमिटीले जानकारी दिएको छ ।
