चक्रघट्टि ।बराह नगरपालिकाको भरौलमा आइतबार देखि जारी “प्रथम मेयर कप ”२०७४ को चौथो दिन एभरेष्ट फुटबल क्लव भरौल र बसाहा फुटबल क्लव उदयपुर विच भएको खेलमा एभरेष्ट फुटबल क्लव विजयी भएको छ । एभरेष्ट फुटबल क्लवको खेल मैदानमा भएको खेलमा शुन्य बिरुद्ध ३ गोल गरी एभरेष्ट फुटबल क्लव भरौल सेमिफाइनलमा प्रवेश गरेको छ । ६० मिनेटको खेलमा खेलको २८ औ मिनेटमा एभरेष्ट फुटबल क्लवका जर्सी नं १० का निसान लिम्बुले गोल गदेै आफ्नो टिमलाई अग्रता दिलाए ,त्यसपछि दोसो्र हाफको ४१ औ मिनेटमा जर्सी नं ९ का साजन लिम्बुले दोसो्र गोल गरे ।लगत्तै ४३ औ मिनेटमा पुन निसान लिम्बुले १ गोल गरी एभरेष्ट फुटबल क्लव विजयी भएको छ । उक्त खेलमा म्यान अफ दी म्याच एभरेष्ट फुटबल क्लवका जर्सी नं ९ का साजन लिम्बुलाई नगद २ हजार ५ सय सहित ट्रफी प्रदान गरीएको छ । उत्त मेयर कपको प्रथम पुरस्कार १ लाख १ हजार र दोसो्र पुरस्कार ५१ हजार रहेको मेयर कपका अध्यक्ष मधुसुदन भट्टराईले जानकारी दिएका छन् । आज (बिहिबार ) को सेमिफाइनलमा बेलबारी फुटबल क्लब मोरङ र बराहक्षेत्र फुटबल क्लब बराह बिच खेल हुने भएको छ । खेलको प्रत्येक दिनमा म्याच अफ दि म्याचको २ हजार ५ सय र फाइनलमा ३ हजार प्रदान गरीने साथै हाइस्कोर ल्याउनेलाई ७ हजार ,बेस्ट किपर ५ हजार ,प्लेयर अफ द टुरामेन्ट १० हजार प्रदान गरीने आयोजक कमिटीले जानकारी दिएको छ ।
