पथरी । प्रथम प्रदेश नंं. १ एभरेष्ट भेट्रान गोल्कप २०७४ को उद्घाटन खेलमा यृु.एन.आर भेट्रान इटहरी सुनसरी विजय भएका छन् । बुधबार कानेपोखरी –५ स्थीत जहदाको खेलमैदानमा भएको खेलमा दमक लखनपुर भेट्रान क्लब झपालाई ०–१ को अन्तरले यृु.एन.आर भेट्रान इटहरी सुनसरी बिजयी भएको हो । खेलको म्यान अफ द म्याच यृु.एन.आर भेट्रान इटहरी सुनसरीको गोल रक्षक सन्तोष तामाङ घोषित भएका थिए । एभरेष्ट भेट्रान क्लब कानेपोखरीको आयोजनामा भएको खेलमा दमक लखनपुर भेट्रान क्लब झपा, यृु.एन.आर भेट्रान इटहरी सुनसरी,एभरेष्ट भेट्रान क्लब मोरङ,विन्दवासिनी भेट्रान क्लब विराटनगर मोरङ,पूर्वाञ्चल भेट्रान क्लब, धरान भेट्रान क्लब सुनसरी,बिर्तामोड भेट्रान क्लब झापा र हाम्रो भेट्रान क्लब विराटनगर गरी ८ टिम सहभागी छन् । माघ ९ गते हुने फाइनल खेलको प्रथम हुनेले नगद रु ५१ हजार, दोस्रो हुनेले ३१ हजार,ट्रफी,मेडल र प्रमाण पत्र प्राप्त गर्ने आयोजकले जनाएको छ ।
