विराटनगर । दशौँ राष्ट्रिय सफ्ट टेनिस प्रतियोगिता आजदेखि वैजनाथपुर रङ्गशालामा शुरु भएको छ । राष्ट्रिय खेलकुद परिषद्का सदस्य सचिव केशवकुमार विष्टले उद्घाटन गरेको प्रतियोगितामा पाँच विकास क्षेत्र र दुई विभागीय नेपाल प्रहरी र सशस्त्र प्रहरीका खेलाडी, प्रशिक्षक र व्यवस्थापक गरी ९८ तथा ११ जना निर्णायकको सहभागिता छ । प्रतियोगितामा पुरुष एकल, महिला एकल, पुरुष तथा महिलाको डबल, मिक्स डबल र पुरुष तथा महिलाका टोली इभेन्ट्सका खेल समावेश गरिएका छन् । आज महिला एकलको पहिलो चरणका खेल सम्पन्न भएको छ ।