पथरी । प्रथम प्रदेश नंं. १ एभरेष्ट भेट्रान गोल्कप २०७४ को जारी फुटबल खेलमा बिर्तामोड भेट्रान क्लब सेमिफाइनलमा प्रवेश गरेको छ । शनिबार कानेपोखरी –५ स्थीत जहदाको खेलमैदानमा भएको खेलमा हाम्रो भेट्रान क्लब विराटनगरलाई ०–२ गोलको अन्तरले बिर्तामोड भेट्रान क्लब बिजय हुदै सेमिफाइनलमा पुगेको हो । खेलको १८ औँ मिनेटमा बिर्तामोडको तर्फबाट तियाराम भूजेलले १ गोल गर्दै खाता खोलेका थिए । त्यसैगरी बिर्तामोड कै गणेश बहादुर सुब्बाले खेलको २५ औँ मिनेटमा अर्को गोल थप्दै आफ्नो टिमलाई बलियो बनाएका थिए । मध्यान्तर पछि दुवै टिमको कुनै गोल हुन नसके पछि खेल ०–२ गोलको अन्तरले बिर्तामोड बिजय भएको हो । खेलको म्यान अफ द म्याच बिर्तामोडका मोहन कुमार गुरुङ घोषित भएका थिए । एभरेष्ट भेट्रान क्लब कानेपोखरीको आयोजनामा भएको खेलमा दमक लखनपुर भेट्रान क्लब झपा, यृु.एन.आर भेट्रान इटहरी सुनसरी,एभरेष्ट भेट्रान क्लब मोरङ,विन्दवासिनी भेट्रान क्लब विराटनगर मोरङ,पूर्वाञ्चल भेट्रान क्लब, धरान भेट्रान क्लब सुनसरी,बिर्तामोड भेट्रान क्लब झापा र हाम्रो भेट्रान क्लब विराटनगर गरी ८ टिम सहभागी छन् । माघ ९ गते हुने फाइनल खेलको प्रथम हुनेले नगद रु ५१ हजार, दोस्रो हुनेले ३१ हजार,ट्रफी,मेडल र प्रमाण पत्र प्राप्त गर्ने आयोजकले जनाएको छ । आइतबारको खेल यु.यन.आर भेट्रान इटहरी सुनसरी र बिन्दबासिनी भेट्रान बिराटनगर बिच हुने नवीन उप्रेतीले जनाएको छ ।
