पथरी । प्रथम प्रदेश नंं. १ एभरेष्ट भेट्रान गोल्कप २०७४ को जारी फुटबल खेलमा बिन्दबासिनी भेट्रान क्लब बिराटनगर सेमीफाइनलमा प्रवेश गरेको छ ।
आइतबार कानेपोखरी –५ स्थीत जहदाको खेलमैदानमा भएको खेलमा यु.यन.आर भेट्रान इटहरी सुनसरीलाई ०–२ गोलको अन्तरले बिन्दबासिनी भेट्रान क्लब बिराटनगर बिजय हुदै सेमिफाइनलको यात्रा तय गरेको हो । खेलको १६ औँ मिनेटमा बिन्दबासिनी भेट्रान बिराटनगरको तर्फबाट भुवन राईले १ गोल गर्दै पहिलो गोल गरेका थिए । त्यसैगरी बिन्दबासिनी भेट्रान बिराटनगर कै डिल्ली बास्कोटाले खेलको २३ औँ मिनेटमा दोस्रो गोल थप्दै आफ्नो टिमलाई बलियो बनाएका थिए । मध्यान्तर पछि दुवै टिमको कुनै गोल हुन नसके पछि खेल ०–२ गोलको अन्तरले बिन्दबासिनी भेट्रान बिराटनगर बिजय भएको हो ।
खेलको म्यान अफ द म्याच बिन्दबासिनी भेट्रान बिराटनगरका भुवन राई घोषित भएका थिए । उक्त म्यान अफ द म्याच अतिथि पूर्व खेलाडी बलबहादुर गुरुङले प्रदान गरेका थिए । माघ ९ गते हुने फाइनल खेलको प्रथम हुनेले नगद रु ५१ हजार, दोस्रो हुनेले ३१ हजार,ट्रफी,मेडल र प्रमाण पत्र प्राप्त गर्ने आयोजकले जनाएको छ । सोमबारको खेल पूर्वाञ्चल भेट्रान क्लब र बिर्तामोड भेट्रान क्लब झापा बिच हुने नवीन उप्रेतीले जनाएको छ ।
