पानवारी । आज राती धरान–७ स्थित शान्तिपथमा पार्किङ गरेर राखिएको कार र बाइकमा आगजनी भएको छ । धरान–७ शान्तिपथ स्थित बुढासुब्बा होटल अगाडी पार्किङ गरेर राखिएको को २३ प ४५६९ नं. को मोटरसाइकल र को १ ज ४००१ नं. को कार जलेर नष्ट भएको छ । संखुवासभा चिचिला गाउपालिका बस्ने असिम राईको २२० सिसिको मोटरसाइकल झापा मेचिनगर नगरपालिका बस्ने राजु महर्जनको सुजुकीको कार जलेर नष्ट भएको हो । माेटरसाइकल जलेर पूर्ण रूपमा नष्ट भएकाे छ भने कारकाे इञ्जीनबाहेककाे भाग जलेर नष्ट भएकाे छ । राति करिब १ बजेको समयमा आगलागी भएको र मोटरसाइकलको टायर आगोलागेर पड्कीदा मात्र थाहा भएको वडा प्रहरी कार्यालय धरानका सइ जसबहादुर लिम्बूले जानकारी दिएका छन् । धरान उपमहानगरपालिकाको दमकल तथा स्थानीयको सहयोगमा आगो नियन्त्रणमा लिइएको प्रहरीले जनाएको छ ।