पथरी । मोरङको पथरीशनिचरे नपा २ स्थीत बुद्ध युथ क्लब आयोजनामा जारी तेस्रो नगर स्तरीय फुटबल प्रतियोगितामा वडा नम्बर १ बिजयी हुदै फाइनलमा प्रवेश गरेको छ ।
शनिबार भएको खेलमा वडा नम्बर ३ लाई वडा नम्बर १ ले शून्यको विरुद्ध ३ गोल गर्दै फाइनलको यात्रा तय गरेको हो । वडा नम्बर १ का सुमन राईले खेलको १७ औँ मिनेटमा विपक्षि टिमका गोल किपरको गल्तीको फाईदा उठाउदै मीन धिमालको पास मार्फत १ गोल लगाउर्दै खाता खोलेका थिए । त्यसैगरी खेलको ३१ औँ मिनेटमा फेरी सुमन राईले नै १ गोल थप्दै खेललाई मध्यन्तर अघि ०–२ कोअन्तर बनाएका थिए । त्यसैगरी मध्यन्तर पछि खेलको ५६ औँ मिनेटमा सुमन राईले ह्याटिक गर्दै १ गोल गरी खेललाई ०–३ को अंक बनाउँर्दै खेललाई फाइनलमा पुराएका हो ।
खेलको फाइनल खेल सोमबार आयोजक वडा नं. २ र १ बिच हुनेछ । वुद्ध युथ क्लवको आयोजनामा भएको खेलमा विजेता टिमले नगद ४० हजार र उप विजेताले नगद २० हजार, मेडल, ट्रफी र प्रमाणपत्र प्राप्त गर्ने छन । प्रतियोगिता माघ २७ देखी भएको थियो । आइतबारको मैत्रि पुर्ण खेल पत्रकार र आयोजक बुद्घ युथ क्लव बिच हुने आयोजकले जनाएको छ ।
