मोरङ/ मोरङको पथरीशनिश्चरेस्थित पथरी बहुमुखी क्याम्पसको स्वतन्त्र विद्यार्थी युनियनले नगरमा खुला म्याराथन दौड प्रतियोगिता गर्ने भएको छ ।
युनियनको १ वर्षे कार्यकाल पुगेको अवसर पारी फागुन २२ गते पथरीमा १५ किलोमिटर म्याराथ दौड गर्ने भएको पत्रकार सम्मेलनमा जानकारी गराइएको छ ।
दौडमा पहिलो, दोस्रो र तेस्रो हुनेलाई क्रमशः नगद १५ हजार, १० हजार र ५ हजार सहित ट्रफी प्रदान गरिने युनियनका सभापति गिरिष साम्वा गोपालले जनाए ।
प्रतियोगिताका लागि १ लाख १० हजार वजेट अनुमान गरिएकोमा ४० प्रतिशत वाहिरी सहयोग, ३० प्रतिशत क्याम्पसले र ३० प्रतिशत प्रवेश शुल्कबाट रकम संकलन गरिने लक्ष्य रहेको पनि साम्बाले बताए । पत्रकार सम्मेलनमा क्याम्पस प्रमख चेतन पौडेलले विद्यार्थीहरुको सृजनात्मक गतिविधिमा क्याम्पसले उत्प्ररेणा भर्दै सहयोग पुर्याउँदै जाने उल्लेख गरे ।
