ताप्लेजुङ/ताप्लेजुङमा ब्राउन सुगर सहित एक जनालाई मंगलबार प्रहरीले पक्राउ गरेको छ । पक्राउ पर्नेमा फुङलिङ नगरपालिका–५ का ३० वर्षिय रोहित श्रेष्ठ रहेका छन् । उनलाई ३८ ग्राम ब्राउन सुगर सहित पाथीभरा याङवरक गाउँपालिका स्थित मेवखा प्रहरी चेकपोष्टबाट पक्राउ गरिएको ताप्लेजुङ प्रहरी प्रमुख तथा प्रहरी नायव उपरिक्षक ज्ञानेन्द्र बहादुर बस्नेतले जानकारी दिनुभयो ।
ब्राउन सुगर ओसार पसार भईरहेको भन्ने सुचनाका आधारमा जिल्ला प्रहरी कार्यालयबाट खटिएको प्रहरीको टोलिद्धारा चेकजाँच गर्ने क्रममा श्रेष्ठको साथबाट ब्राउन सुगर फेला परेको थियो । ब्राउन सुगर सहित श्रेष्ठलाई नियन्त्रणमा लिईएको र अदालतबाट म्याद थप गरि अनुसन्धान अघि बढाईने प्रहरीले बताएको छ ।
