पाँचथर । एकजना प्रहरी जवानले आत्महत्या गरेका छन् । इलाम घर भएका प्रहरी जवान मानबहादुर विष्टले शुक्रबार राती आत्महत्या गरेका हुन् ।
उनी फिदिम-८ को तमाखे प्रहरी चौकीमा कार्यरत थिए । उनले प्रहरी चौकीभन्दा एकसय मिटर टाढा रुखमा डोरीको पासो लगाइ आत्महत्या गरेका थिए ।
करिब ३६ वर्षीय विष्टले फिदिम ८ की १४ वर्षीय किशोरीलाई जिस्क्याएको आरोप लागेको थियो ।
'साँझ ८ बजेतिर तमाखे प्रहरी चौकीमा किशोरी र आफन्तले विष्टविरुद्ध मौखिक उजुरी गरेपछि त्यहाँका इन्चार्जलाई पक्राउ गरी लिएर आउन आदेश दिएँ' प्रहरी निरिक्षक प्रकाशकुमार गुप्ताले भने, ' त्यो सुइँको थाहा पाएपछि चौकीबाट गायव भएका उनी ३ घण्टापछि झुण्डिएर आत्महत्या गरेको अवस्थामा भेटिए ।'
