पथरी / फ्रेण्डसिप चेस क्लवको आयोजनामा मोरङको पथरीमा राष्ट्रव्यापी बुद्धिचाल प्रतियोगिता हुने भएको छ । प्रतियोगिताको तयारी स्वरूप सोमाबार क्लवको कार्यालय उद्घाटन भएको छ । कार्यालय उद्घाटनको क्रममा क्लवका अध्यक्ष धनराज राईले प्रतियोगिता गराउने बारे जानकारी दिएका हुन् ।
यस अघि असार पहिलो हप्तामा प्रतियोगिता गर्ने घोषणा भएको थियो । विश्वकप फुटबल प्रतियोगितले खेलाडीहरूकाे ध्यान तानिएको कारण बुद्धिचाल प्रतियोगिता आगामी असोज दोस्रो साता सारिएको जानकारी गराएका छन् । कार्यालय उद्घाटन कार्यक्रमको प्रमुख अतिथि पथरीशनिश्चरे १ नम्बर वडा अध्यक्ष बाबुराम एङ्देनले आफ्नो कार्याकालभरी भाडा आधा बेहोर्ने घोषणा गरेका छन् । कार्यलयको उद्घाटन क्लबका अध्यक्ष धनराज राई र वडाध्यक्ष बाबुराम एकतेनले उद्घाटन गरेका थिए । कार्यक्रममा पथरीशनिश्चरे र उर्लाबारी नगरका बुद्धिचाल खेलाडिहरू सहभागी रहेका थिए । २०५९ सालमा स्थापित भएको क्लवले तत्कालीन गाविस तथा जिल्ला स्वरीय प्रतियोगिता गराउदै आएको थियो ।
