रियल मड्रिडका स्टार स्ट्राइकर क्रिष्टियानो रोनाल्डो याे सिजनमा युभेन्टस जाने पक्का भएको छ ।
राेनाल्डाे र क्लबका पदाधिकारीबीचकाे सम्बन्धमा खटपट अाएसँगै राेनाल्डाेले रियल छाड्न लागेका हुन् । उनी २००९ मा म्यानचेष्टर सिटीबाट रियल मड्रिड आएका थिए । उनी रियल मड्रिडबाट सर्वाधिक गाेल गर्ने खेलाडी समेत हुन सफल भएका छन्र । उनले क्लबका लागि ४५१ गोल गरे भने ५ पटक बालोन डिओर अवार्ड समेत हात पारेका छन् ।
रोनाल्डो इटली जाने चर्चा चलेको केही दिनपछि मड्रिडले त्यसलाई औपचारिक पुष्टि गरेको हो । यससँगै रोनाल्डो १० वर्षे बेर्नाबाउ यात्रा अन्त्य भएको छ । ३३ वर्षीय रोनाल्डोले रियल मड्रिडमा रहँदा चार पटक च्याम्पियन्स लिगको उपाधि उचालिसकेका छन् भने पछिल्लाे ३ वर्ष लगातार च्याम्पियन्स लिगकाे उपाधी जितेका थिए । उनी युभेन्टस जाने हल्लासँगै क्लबकाे शेयर बजारमा ह्वात्तै बढेकाे थियाे ।
