धरान । सुनसरीको धरान उपमहानगपालिका-१० भानु चौकबाट बुद्ध चौक जाने भित्री सडक खण्डमा स्कुटरले ठक्कर दिदा धरान उपमहानगपालिका-१६ का ५५ बर्षीय भिम राई घाइते भएका छन् । आश्विन १ गते बेलुका ७:३० बजेको समयमा को ३२ प १६१९ नम्बरको स्कुटरले ठक्कर दिंदा टाउकोमा चोट लागि राई गम्भिर घाईते भएका थिए । घाईतेलाई ईलाका प्रहरी कार्यालय धरानबाट खटिएको प्रहरी टोलीले उद्धार गरी उपचारको लागि बि.पी.कोईराला स्वास्थ्य बिज्ञान प्रतिष्ठान घोपा पठाएको छ भने स्कुटर चालक धरान-१५ बस्ने बर्ष ४० का चेत बहादुर बिश्वकर्मा र स्कुटर ईलाका प्रहरी कार्यालय धरानको नियन्त्रणमा रहेको उक्त कार्यालयले जनाएको छ ।
