सिरहा । इलाका प्रहरी कार्यालय सिरहाको प्रहारी गस्ती टोलीले गए राति सिरहाको माडर तथा औरहीबाट ६१ हजार ४ सय ३७ रुपैया बराबरको पटाका बरामद गरेको छ । इलाका प्रहरी कार्यालय माडर र औरहीबाट खटिएको टोलीले भारतबाट अवैध रूपमा ल्याउँदै गरेको अवस्थामा पटाका बरामद गरेको जिल्ला प्रहरी कार्यालय सिरहाका प्रवत्ता तथा प्रहरी नायब उपरीक्षक माधवराज खरेलले जानकारी दिनु भएको छ । इलाका प्रहरी कार्यालय माडरका टोलीले ५५ हजार ६ सय २१ र इलाका प्रहरी कार्यालय औरहीको टोलीले ५ हजार ८ सय १६ गरी ६१ हजार ४ सय ३७ रुपैया बराबरको पटाका बरामद गरेको जिल्ला प्रहरी कार्यालय सिरहाले जनाएको छ । बरामद गरिएको पटाका आवश्यक प्रक्रिया पु¥याएर नष्ट गरिने प्रहरीले जनाएको छ । दशैँ, दिपावली तथा छठपर्व नजिकिँदै गर्दा भारतीय बजारबाट पटाकालगायतका सामान चोरी तस्करी गर्ने क्रम बढेको छ ।