पथरीशनिश्चरे । मोरङ्गको पथरी शनिश्चरे ६ स्थित हसन्दहमा तराईवासी समुदायको प्रमुख पर्व जितिजा सम्पन्न भएको छ ।
तित्रिझाँक युवा समूहद्धारा मंगलवार आयोजित धार्मिक एवम् सांस्कृतिक कार्यक्रममा पथरी शनिश्चरे नगर उपप्रमुख यमुना विष्ट वास्तोलाले नेपाललाई सयौं जातजातिको साँचो फूलबारी बनाएर देशलाई बलियो बनाउनु पर्ने जनाइन् । उनले नगरका सवैजात जातिका पर्व एवम् संस्कारलाई प्रवद्र्धन गर्ने कुरामा नगरपालिका कार्यालय सधैं तत्पर रहेको उल्लेख गरिन् ।
कार्यक्रममा, ६ नम्वर वडाध्यक्ष जयवहादुर तामाङ, समाजसेवी बलराम ऋषिदेव सहितले शुभकामना मन्तव्य व्यक्त गरेका छन् ।
सो अवसरमा, बुद्ध मुर्मुले गीत, गंगा भण्डारीले नृत्य, होमराज कार्की, मिलन लुइटेलले क्यारिकेचर सहितका प्रस्तुति दिएको सभाध्यक्ष सुचिन्द्र मण्डलले जनाए ।
