जिरोपोइन्ट/ नेपाल आइडल सिजन २ को उत्कृष्ट ११ मा पर्न सफल धरानकी हिना मल्ल बराईलीले भोट दिन आग्रह गरेकी छन् ।
मङ्गलबार धरानमा पत्रकार सम्मेलन गर्दै हिनाले भोट दिएर जिताउन आग्रह गरेकी हुन् । धरान–९ निवासी हिना कक्षा ११ मा अध्ययनरत छिन् ।
हिनाले आफूलाई भोटिङ गर्न मोबाईलको म्यासेज बक्समा ०४ टाइप गरी ३१००९ मा पठाउनका लागि आग्रह गरेकी छन् ।
भोटिङका लागि हरेक बिहीबार राति साढे ८ बजेदेखि शुक्रबार दिउसो १२ बजेसम्म रहेको उनले बताइन् । उनकी आमा रीताले भोट गरेर जिताउन धरानेहरूलाई आग्रह गरिन् ।
पत्रकार सम्मेलनमा उनलाई जिताउनका लागि ९ नम्बर वडाध्यक्ष रत्न कटुवालले ५ हजार, परियार सेवा समाजका जिल्ला अध्यक्ष खगेन्द्र नेपालीले ५ हजार र गायक डिल्ली फोम्बोले ३ हजार रुपैयाँ आर्थिक सहयोग गरे ।
