यासोक/पाँचथरको फाल्गुनन्द गाउँपालिका ६ आङसराङ वडा कार्यालयको भवन निर्माणका लागि स्थानीय समाजसेवीले निःशुल्क जग्गा दान गरेका छन ।
३ लाख ५० हजार पर्ने ३ रापनी ४ आना जग्गा स्थानीय पुष्पादेवि रिजाल र नरेन्द्र प्रसाद रिजालले कार्यालयलाई दान गरेका हुन ।
वडाको भवन नभएकाले आफुहरुले सो इच्छाले कार्यालयको ‘नाममा जग्गा पास गरेको जग्गादाता नरेन्द्र रिजालले बताए ।
भवन नहुदा कार्यसम्पादन गर्न समस्या भएको भन्दै वडाले जग्गाको खोजी गर्दै आएको थियो । तर स्थानीयले जग्गा दान गरेपछि भने भवन निर्माणको काम अघि बढ्ने वडा अध्यक्ष नारायणप्रसाद आङदेम्बेले बताए ।
भवन अभावमा कार्यालयको काम काजमा समस्या हुदै आएको थियो । वडा कार्यालयबाट भवन निर्माणको लागि चाडै प्रकिया अघि बढाउने छौं, उनले भने ।
