वि.सं. २०७५ साल असोज १८ गते। बिहीबार। इश्वी सन् २०१८ अक्टोबर ४ तारिख।
मेष - चु, चे, चो, ला, लि, लु, ले, लो, अ
ईर्ष्या गर्नेहरूलाई मेहनतको जवाफ दिन सफल भइनेछ। टाढिएका आफन्तजन नजिकिनेछन्।
बृष - इ, उ, ए, ओ, बा, बि, बु, बे, बो
रचनात्मक काममा जुट्ने समय छ। तर, सहयोगीहरूले हात झिक्नुका साथै परिस्थितिले सोचेभन्दा फरक मोड लिन सक्छ।
मिथुन - का, कि, कु, घ, ङ, छ, के, को, ह
अरूको मुख ताक्ने बानीले आफ्नो काम अधुरो रहनेछ। वचन पुर्याउन नसक्ता आलोचित बन्नुपर्ला।
कर्कट - हि, हु, हे, हो, डा, डि, डु, डे, डो
केही कठोर निर्णय लिनुपरे पनि चिताएको काम सम्पादन हुनेछ। नयाँ कामको प्रस्ताव आउनेछ भने सहयोगीहरू प्रशस्तै भेटिनेछन्।
सिंह - मा, मि, मु, मे, मो, टा, टि, टु, टे
टाढाका साथीभाइसँग सम्पर्क बढ्नेछ। खर्च लागे पनि यात्रा गर्ने प्रक्रिया अघि बढ्न सक्छ। अवसरका लागि केही दौडधुप गर्नुपर्ला।
कन्या - टो, प, पि, पु, ष, ण, ठ, पे, पो
प्रतीक्षित नतिजाले उत्साह जगाउनेछ। मिहिनेतको राम्रो परिणाम प्राप्त हुनेछ।
तुला - र, रि, रु, रे, रो, ता, ति, तु, ते
अवसर प्राप्त भए पनि आँटले काम लिन नसक्दा पछि परिनेछ। अहिलेको फाइदा हेर्दा पछिको फाइदा घट्नेछ।
बृश्चिक - तो, ना, नि, नु, ने, नो, या, यि, यु
सहयोगीहरूले राम्रो सहयोग जुटाउनेछन् भने प्रयत्न गर्दा नयाँ काम थालनी हुनेछ।
धनु - ये, यो, भ, भि, भु, ध, फा, ढ, भे
चिताएको काम तत्काल सम्पादन नभए पनि पछिका लागि सकारात्मक संकेत प्राप्त हुनेछ। सोचेको उपलब्धि प्राप्त गर्न समय लाग्नेछ।
मकर - भो, ज, जि, खि, खु, खे, खो, गा, गि
मित्रता र प्रेमको बन्धन कसिनेछ भने अतिथिको रूपमा सत्कार प्राप्त हुने समय छ। परिवारजनको साथले उत्साह जगाउनेछ।
कुम्भ - गु, गे, गो, सा, सि, सु, से, सो, द अस्वस्थताले लक्ष्यअनुसार काममा जुट्न नसकिएला। व्याहारिक अलमलले पनि आँटेका काममा बाधा पुर्याउनेछ।
मीन - दि, दु, थ, झ, ञ, दे, दो, च, चि
परिस्थितिसँग सम्झौता गर्नुपर्ला। तापनि चुनौती पन्छाएर नयाँ काममा जग बसाउने अवसर प्राप्त हुनेछ।
