दाङ / बाँकेको राप्तीसोनारी गाउँपालिकास्थित शम्शेरगञ्जमा यात्रुबाहक हायस र ट्रक शनिबार बिहान आपसमा ठोक्किँदा छ जनाको मृत्यु भएको प्रहरीले जनाएको छ । दाङको तुलसीपुरबाट अमिलिया हुँदै नेपालगञ्ज जादै गरेको गरेको रा १ ख १६६२ नम्बरको माइक्रो र नेपालगञ्जबाट दाङतर्फ जाँदै गरेको लु १ ख ७७२९ नम्बरको ट्रकशनिबार बिहान करिब सवा ९ बजेतिर राप्ती सोनारी गाउँपालिका–९ मुगुवा खोला नजिक ठोक्किँएको जिल्ला प्रहरी कार्यालय दाङले जनाएको छ ।
दुर्घटनामा चारको घटनास्थलमै मृत्यु भएको र दुईको शिक्षण अस्पताल कोहलपुरमा उपचारको क्रममा मृत्यु भएको छ । दुर्घटनामा घाइते १७ को शिक्षण अस्पताल कोहलपुरमा उपचार भइरहेको इलाका प्रहरी कार्यालय कोहलपुरले जनाएको छ । मृतकको सनाखत अझै हुन सकेको छैन् ।
