धरान । धरान–५ स्थित अधेरी खोलाबाट अवैध रुपमा ढुङ्गागिटी उठाउदै गरेको दुई ट्याक्टरलाई इलाका वन कार्यलय धरानले पक्राउ गरेको छ । चुरे क्षेत्रमा प्राकृतिक श्रोतको उत्खनन्मा बन्देज लगाइएको बेला अवैध रुपमा ढुङ्गागिटी उठाउँदै गरेको अवस्थामा खोलाबाटै दुई वटा ट्याक्टरलाई नियन्त्रणमा लिइएको सब डिभिजन वन कार्यालय पाँचकन्याका कार्यालय प्रमुख सुरज निरौलाले बताए । सब डिभिजन कार्यालयका अनुसार को २ त ४४५८ र को २ त ७६७७ नम्बरको ट्रयाक्टर पक्राउ परेको हो । शनिबार नै पक्राउ परेका ट्याक्टर सोमबारसम्म कारवाहीको प्रकृया अगाडी बढेको छैन । विभिन्न मुद्दामा व्यस्त भएको भन्दै ट्याक्टरको कारवाही प्रकृया वन कार्यालयले अगाडी बढाएकै छैन । साउन मसान्तपछि इलाका प्रहरी कार्यालय धरानले १९ वटा ट्याक्टर पक्राउ गरी कारवाही भइसकेको छ ।