सिरहा / जिल्ला सिरहा–धनुषाको सीमाना पर्ने सिरहा नगरपालिका वडा नम्बर ६ स्थित कमला नदीको पूर्व किनारमा बुधबार एक महिलाको वेवारिसे शव भेटिएको छ । जिल्ला प्रहरी कार्यालय सिरहाका प्रवत्ता डिएसपी माधवराज खरेलका अनुसार अन्दाजी २३ वर्षीया ती महिलाले रातो कुर्ता, कालो सुरुवाल, कालो सुइटर र निलो अकासे रंगको सल लगाएकी छिन् । शवलाई पोष्टमार्टमका लागि जिल्ला अस्पताल सिरहामा राखिएको उनले जानकारी दिए ।
महिलाको अहिलेसम्म पहिचान खुल्न नसकेको छैन् । मृत भेटिएको महिलाको घाँटीमा सल बेरिएको चिन्ह देखिएको छ,’ डिएसपी खरेलले भने, ‘घटनाको प्रकृति हेर्दा हत्या गरेर फाले जस्तो लाग्छ ।’ यस विषयमा अनुसन्धान भईरहेको प्रहरीले जनाएको छ ।
