ताप्लेजुङ/ तीन वर्ष अघि १२ वर्षीय एक बालिकालाई जबरजस्ती करणी गरी फरार रहेका एक व्यक्तिलाई ताप्लेजुङ प्रहरीले पक्राउ गरेको छ । २०७२ साल साउन २६ गते फुङलिङ नगरपालिका–१० फुरुम्बूकी १२ वर्षीया बालिकालाई जबरजस्ती करणी गरी फरार रहेका २२ वर्षीय मिङ्मा शेर्पालाई प्रहरीले पक्राउ गरेको हो । जिल्लाको पाथिभरा याङ्वरक गाउँपालिका वडा नं १ नाङ्खोल्याङका ती युवालाई जिल्लाकै फक्ताङलुङ गाउँपालिका–६ लेलेप (घुन्सा) मा लुकुछीपी बसेको अवस्थामा गत २१ गते प्रहरीले पक्राउ गरेको थियो । शेर्पालाई जिल्ला अदालतमा पेश गर्दा अदालतले पुर्पक्षका लागि कारागार चलान गरेको जिल्ला प्रहरी कार्यालय ताप्लेजुङले जनाएको छ ।