२०१९ सालमा धरान नगर पञ्चायतमा प्रधानपञ्च बनेका सुर्यप्रसाद उपाध्यायकाे निधनमा धरान उपमहानगरपालिकाले आज शोक विदा दिएको छ ।
धरान १४ निवासी उपाध्यायकाे धरान स्थित वीपी काेइराला स्वास्थ विज्ञान प्रतिष्ठानमा उपचारकाे क्रममा आइतबार ८५ बर्षकाे उमेरमा निधिन भएकाे थियाे । उपमहानगरपालिकाले उनकाे निधन प्रती शाेक व्यक्त गर्दै एक सुचना जारी गरी आज नगर कार्यपालिकाको कार्यालय र मातहतका सबै कार्यालयमा विदा दिइकाे छ ।
वरिष्ठ प्रशासकीय अधिकृत गणेशप्रसाद खतिवडाद्वारा जारी सुचनामा अत्यावश्यक बाहेक सबै सेवाहरूमा बिदा दिएकाे उल्लेख गरिएकाे छ ।
उपाध्याय पञ्चायती व्यवस्थाका धरानका प्रथम प्रधानपञ्च हुन् । २०२८ सालमा राष्ट्रिय पञ्चायत सदस्यमा मनोनित भएका उनलाइ २०४३ सालमा तात्कालिन सरकारले जनकपुर अञ्चलको अञ्चलाधिश बनाएका थिए ।
