धनकुटा । सङ्खुवासभाको मुढेसन्सरेमा बुधबार सम्पन्न प्रदेशस्तरीय अन्तर नगरपालिका मेयर कप फुटबल प्रतियोगितामा विजेता बनेको धनकुटा नगरपालिकालाई नगद एक लाख रुपैयाँले सम्मानित गरिएको छ ।
बिहीबार एक कार्यक्रमका बीच धनकुटा नगर प्रमुख चिन्तन तामाङले विजेता बन्ने आफ्नो टोलीलाई नगद १ लाख रुपैयाँसहितले सम्मानित गरेको हो । धर्मदेवी नगरपालिकाको आयोजनामा सम्पन्न प्रतियोगितामा धनकुटा विजयी भएको थियो ।
विजेता टिमलाई एक लाख रुपैयाँसहित खेलाडीलाई खादा ओढाई सम्मानित गरिएको छ । नगर प्रमुख तामाङले भने, ‘यस्ता कार्यक्रमले खेलकुद क्षेत्रमा लागेको युवा खेलाडीहरूका लागि हौसला र उत्प्रेरणाको विषय बन्न सक्नेछ ।’ आगामी दिनमा पनि फुटबलको क्षेत्रमा हुने विभिन्न प्रतियोगितामा राम्रो प्रतिभा देखाएर खेल्न प्रेरणा मिलोस् भन्दै नगर प्रमुख तामाङले शुभकामना व्यक्त गरे ।
धनकुटा नगरपालिकाका फुटबल टिमको नेतृत्व गरेका सुदीप उँरावले ट्रफी धनकुटा नगर प्रमुखलाई हस्तान्तरण गरेका थिए । नगरपालिकाको नाममा भएको फुटबल प्रतियोगिताको ट्रफी नगरलाई नै हस्तान्तरण गरिएको उँरावले बताए ।
