धरान– थारु समुदायको संस्कृतिलाई संरक्षण गर्ने उद्देश्यले फिल्म निर्माण गरिने भएको छ ।चाँदनी फिल्मसको ब्यानरमा निमार्ण हुने फिल्मको शनिबार बिराटनगरमा शुभ मुहर्त गरिएको छ । ‘हमर सपना’ नाम दिईएको चलचित्रमा थारु समुदायको कला संस्कृतीलाई मुख्य केन्द्र बनाईने निर्देशक केशब रायमाझिले जानकारी दिए । फिल्मको शुभ मुहर्त थारु कल्याणकारिणि सभाका केन्द्रीय उपाध्यक्ष कन्नुलाल चौधरीले गरेका थिए ।
एक महिनामा शुुटिङ सम्मन्न गर्ने र आउँदो विजया दशमीमा चलचित्र रिलिज गर्ने लक्ष्य लिइएको निर्देशक रायमाझीले जानकारी दिए । नरेश चौधरी निर्माता रहेका चलचित्रमा देवकिशन विश्वासले संगीत दिएका छन् ।चलचित्रमा जय चौधरी, सपना चौधरी,कंचन चौधरी,अर्जुन चौधरी र सनम चौधरी लगायतको मुुख्य भूमिका रहेको छ ।सुनसरी र मोरङका रमणिय स्थानहरुमा छायांकन हुने चलचित्रका केही दृष्यहरु पूर्वको पर्यटकीय स्थलहरुमा छायांकन गरिने जनाइएको छ ।
