धरान/पाँचौ बर्ष पुरा गरि छैठौ बर्ष पुरा गरेको अवसरम झरना बचत तथा ऋण सहकारी संस्थाले पूर्वमै पहिलो पटक व्यवसायिक समुह बिच फुटसल प्रतियोगिता सम्पन्न गरेको छ । झरना बचत फुटसलको उपाधि होटल व्यवसायीहरुले हात पारेका छन् । प्रतियोगितामा हाडवेर र कस्मेटीक व्यवसायीको टिम लाई ४ का विरुद्ध ९ गोलले पछि पार्दैै होटल व्यवसायीले उपाधिमा कब्जा जमाएको हो । उपाधिसंगै विजयी होटल व्यवसायीले नगद २० हजार, ट्रफी र प्रमाणपत्र र ट्रयाक सुट हात पाएका छन् भने उपविजेतामा चित्त बुझाएको हार्डवेयर कस्मेटिक टिमले नगद १० हजार, ट्रफी र प्रमाणपत्र हात पारेको छ ।
प्रतियोगितामा उत्कृष्ट खेलाडी होटल व्यवसायीका तर्फबाट मनोज लिम्बु घोषित भए उनले नगद २ हजार प्राप्त गरे ।प्रतियोगितामा जिल्ला सहकारी संघका उपाध्यक्ष नरेश इवारम,झरना बचत तथा ऋण सहकारी संस्थाका अध्यक्ष सुरेन्द्र परालीले विजेता तथा उपविजेतालाई पुरस्कार वितरण गरेका थिए ।धरानमा रहेका व्यापारी, व्यवसायी र व्यापारिक प्रतिष्ठानबीच सुमधुर सम्बन्ध राख्ने उद्देश्यले प्रतियोगिताको आयोजना गरिएको झरना बचत तथा ऋण सहकारी संस्थाका म्यानेजर तथा प्रतियोगिताका संयोजक मानबहादुर मगरले जानकारी दिए । यस्ता कार्यक्रमलाई आगामी दिनमा पनि निरन्तरता दिने उनले बताए ।
