धरान/होटल एसोसिएसन भेडेटारको आयोजनामा शुक्रबार भेडेटारमा निशुल्क स्वास्थ्य शिबिर सम्पन्न भएको छ । भेडेटार गाबिसको व्यस्थापन र स्वास्थ्य चौकि भेडेटारको संयोजनमा शिबिर सम्पन्न भएको हो । शिबिरमा स्पार्क फाईभ हस्पिटल धरानले प्राबिधिक सहयोग गरेको थियो ।शिबिरमा हाडजोर्नी, नशा,बाथ लगायत फिजियोथेरफी सम्बन्धि सेवा प्रदान गरिएको होटल एसोसिएसन अफ भेडेटारका अध्यक्ष लिलाराज लावतीले जानकारी दिए । निशुल्क स्वास्थ्य शिविरमा छिमेकी गाबिस महाभारत र फाक्सिव लगायत धरान २० र २१ वडाका १ सय २० जनाले सेवा लिएका स्वास्थ्य चौकी भेडेटारका कार्यालय प्रमुख गणेश यादव ले बताए । होटल एसोसिएसन भेडेटार लाई सामाजिक क्रियाकलापहरुमा समेत सक्रिय गर्न कार्यक्रम गरिएको उनले बताए ।एसोसिएसनले बार्षिकरुपमा रक्तदान कार्यक्रम पनि गर्दै आएको छ ।