धरान / वेल्स युरोकप २०१६ को सेमिफाइनलमा प्रवेश गरेको छ । युरोमा इतिहास रच्दै वेल्सले पहिलो पटक छनौट हुँदै अन्तिम चारमा पुग्ने पहिलो टिमसमेत बनेको छ ।
सन् १९५८ को विश्वकपको क्वाटरफाइलनसम्म पुगेको वेल्सले त्यसपछि कुनै पनि अन्तर्राष्ट्रिय प्रतियोगितामा छनौट हुन सकेको थिएन् । तर, वेल्सको लागि यो जित ऐतिहासिकसमेत बनेको छ । शनिबार बिहानको खेलमा स्टार खेलाडीले भरिभराउ बेल्जियमलाई ३–१ गोलले पन्छाउँदै अन्तिम चारमा छिरेको हो ।
जितमा एश्ले विलियम्स, हल रोब्सन कानु र साम भोक्सले निर्णायक गोल गरेका थिए । यता बेल्जियमबाट राड्जा नारिनगोलाण्डले गोल गरेको थियो ।
खेलमा बेल्जियमले अग्रता लिए पनि वेल्स दोस्रो हाफमा बेल्जियममाथि हावी बनेको थियो । वेल्सले अवको सेमिफाइनल खेल पोर्चुगलसँग भिडन्त गर्दै छ ।
