धरान / अष्ट्रेलियाको सिड्नीमा तीज धमाका कार्यक्रम हुने भएको छ । जुलाई ३० तारिखका दिन सिड्नीमा सांगीतिक तीज धमाका हुने भएको हो । कार्यक्रममा चर्चित लोकगायक पशुपति शर्मा र मञ्जु पौडेल सिड्नी पुगेको खबर छ । उनीहरु बुधबारै सिड्नी पुगेका छन् । कार्यक्रमको आयोजना बिरेन्द्रदीप मल्लले गरिरहेका छन् । यता अष्ट्रेलियामा कार्यक्रम गर्न धेरैपटक आएता पनि यसपटक भने आफू सिड्नीबासीबिच नयां प्रस्तुति लिएर आएको कुरा गायक पशुपति शर्माले बताए । कार्यक्रममा गायक नरेश रेग्मीले पनि प्रस्तुति दिने कार्यक्रम रहेको छ ।