धरान/रोटरी क्लव धरान घोपाले पूर्व मेयर मनोजकुमार मेन्याङ्बोलाई सम्मानित गरेको छ । क्षेत्रीय प्रहरी कार्यालय विराटनगरका डिआइजी केशरीराज घिमिरेले मेयाङ्बोलाई सम्मान पत्र प्रदान गरेका थिए ।
रोटरीको १४ अाैँ पदस्थापन दिवशको अवसरमा उनलाई सम्मानित गरिएको जनसम्पर्क अधिकारी किशन मास्केले जानकारी दिए । २०१६–१७ का अध्यक्ष राजेश गोयललगायत १६ सदस्यीय कार्यकारिणी समितिलाई सपथ खुवाइएको थियो । त्यस्तै ९ जना सदस्यहरुलाई परह्यारिस फेलो पिन प्रदान गरिएको थियो । घोपामा हाल ४९ जना सदस्यहरु रहेका छन् ।
यसैबीच अन्तर्राष्ट्रिय रोटरीबाट घोपा सम्मानित बनेको छ । कार्यक्रममा संस्थापक अध्यक्ष सिएस अग्रवाललाई बोर्ड इन्टरनेसनल गोल्ड अवार्ड प्रदान गरिएको छ । कार्यक्रममा बीपी कोइराला स्वास्थ्य विज्ञान प्रतिष्ठानका उपकुलपति प्रा.डा. बलभद्रप्रसाद दासलगायतको उपस्थिति रहेको थियो ।
