धरान । रियल म्याड्रिडसँग अंक दुरी कम गर्ने सुनौलो अवसर बार्सिलोनाले खेर फालेको छ । गए रातिको खेलमा बार्सिलोनाले ला लिगामा एथ्लेटिको म्याड्रिडसँग १–१ गोलको बराबरीमा रोकिएपछि रियलसँगको दुरी थप बढेको हो ।   ला लिगामा अंक तालिकामा अहिले रियल सबैभन्दा अग्र स्थानमा छ । बुधबारको खेलमा लियोनल मेसी घाइते भएपछि टीमले उचाई लिन सकेन् ।   घरेलु मैदान नाउ क्याम्पमा सम्पन्न खेलको ४१ औं मिनेटमा इभान रेकिटिकले गोल गर्दै बार्सिलोनालाई खुसी प्रदान गरे पनि एथ्लेटिकोबाट ६१ औं मिनेटमा एन्जल कोरेयाले त्यो खुसीलाई तोडे ।   कोरेयाले गोल गर्नु अघि मेसी घाइते भएर मैदान छाडेका थिए । बार्सिलोना ला लिगामा तेस्रो स्थानमा सिमित छ । अहिलेसम्म पाँच खेल उसले खेलिसकेको छ । समान खेलबाट रियल भने १३ अंक जोडेको छ । दोस्रोमा सेभिल्ला छ ।