प्रहरी दिवसको अवसरमा ब्याडमिन्टन प्रतियोगिता

विजयपुर /६१ औ प्रहरी दिवस २०७३ को अवसरमा अञ्चल प्रहरी कार्यालय धरानले ब्याडमिन्टन प्रतियोगिता आयोजना गरेको छ ।प्रतियोगितामा तिनवटा समुहका टिमहरु सहभागि छन् । प्रतियोगिताका संयोजक लक्ष्मि भण्डारीका अनुसार ए ग्रूप,बि ग्रुप र अन्र्तर प्रहरी ग्रुप बिभाजन गरेर टिमहरु बनाईएको छ ।

ए ग्रुपमा १६ वटा टिम र ३२ जना खेलाडि,बि ग्रुपमा ३१ टिम र ६२ जना खेलाडि र अन्र्तर प्रहरी टिममा २५ वटा टिम ३० खेलाडि सहभागि भएको भण्डारीले जानकारी दिए ।आईतबारबाट सुरु भएको प्रतियोगिताको क्वाटर फाईनल खेल सोमबार सकिएको छ । क्वाटर फाईनल जितेर सबै समुहका चार चार वटा टिम सेमी फाईनलमा पुगेका छन् ।

फाईनल खेल मङगलबार हुने छ । मङगलबार सेमी फाईनल र फाईनल खेल हुने छ । बिजेताहरुलाई प्रमाण पत्र,ट्रफि र मेडल प्रदान गरिने आयोजकले जनाएको छ । अञ्चल प्रहरी कार्यालय हाता भित्र रहेको ब्याडमिन्टन कोडमा प्रतियोगिता सञ्चालन भईरहेको छ ।